For perfect makeup | لـ مكياج مثالي

أساس أي مكياج بيرفكت ونظيف
يحتاج بشرة نظيفة وصافية 

أساس البشرة النظيفة  .. ٣ خطوات يومية

أول شي : الغسول 

أي غسول انتي مرتاحة عليه مناسب نوع بشرتك يوفي بالغرض

بالنسبة لي أكثر غسولين ارتحت عليه هم:

غسول كلينيك

مميزات الغسول :

١- مناسب لجميع انواع البشرات

٢- أول ما تحطينه على وجهك تحسين بترطيب البشرة

بس مجرد ما تغسلين وجهك تشد بشرتك

٣- يخليك تتأكدين أن وجهك نظيف من المكياج ١٠٠٪

متوفر ب جميع كورنرات كلينيك الموجودة ب دبنهامز و وجوه وهارفي نيكلز

من سنين استخدمه ومرتاحة عليه الحمدلله

بس قبل سنة تقريبا دكتوري الجلدية

غيرلي الغسول وعطاني غسول سيتافيل

مميزات الغسول :

١- نسبة الترطيب فيه عالية جدا

٢- يناسب البشرة الحساسة

٣- ملمس الغسول ناعم جدا كأنه كريم مافيه حبيبات

متوفر بأغلب الصيدليات

طبعا اي غسول يستخدم يوميا مرة في الصبح ومرة بالليل

ثاني خطوة : التونك :

أفضل تونك استخدمته لحين الآن هو تونك كلينيك رقم ٣

مميزات التونك :
ينظف من قلب 

ومع الاستمرار عليه على البقع والاثار تخف
إذا حطتيه على بشرتك تحسين ب قرصات خفيفة ثواني وتروح

قبل آخر خطوة فيه خطوة مهمة بس مو يومية هي التقشير

انا استخدم مقشر بيودرما
مميزاته :
مو قوي على البشرة
وينظف البشرة بشكل ممتاز
وتحسين بشرتك ناعمة من بعده

احطه مرة بالاسبوع
وبعد ما انظف وجهي إذا كنت حاطة مكياج ثقيل 

بجي الحين لآخر خطوة وهي الترطيب

عشان نسكر المسام بعد ما انفتحت مع التونك

وعشان ما تجف البشرة

أنا استخدم مرطب كلينيك

ميزته : 

خفيف .. وبسرعة تتشربه البشرة
وحتى احب استخدمه قبل المكياج 

وبالاخير اتمنى اكون افدتكم

واذا عندكم منتجات تنصحوني اجربها

أو اي اضافة حابين تضيفونها

أو اي اقتراح اكتبو لي اياها بالتعليقات

وشكرا لكم