مفضلاتي 2015 | My Favorites 2015

اهلين بنات

كيفكم ؟

اليوم حابه اشاركم ب مفضلاتي لسنة 2015 

حاولت اخليها من المنتجات الجديدة اللي نزلت هالسنة أو اكتشفتها هالسنة وحبيتها 

اول شي رح اتكلم عنه برايمر Makeupforever

الانواع اللي جربتها هي :

الابيض : مغذي للبشرة الجافة وللبشرة اللي تحتاج ترطيب عالي كنت استخدمه ايام علاجي ل بشرتي بالروكاتين كان يخفف من وضوح الجفاف اللي على بشرتي 

السماوي الفاتح : مرطب للبشرة

الاصفر : نضارة وتنوير للوجة

المشمشي : توحيد وآشراقة لون البشرة

البرتقالي : كوريتكر يكنسل البقع الغامقة وسواد تحت العين 

بالفترة الأخيرة صايرة ادمج البرايمر الاصفر مع المشمشي 
وحابه النتيجة

قوامهم خفيف وما يشكلون طبقة على البشرة

ثاني منتج هي بودرة بنانا من Ben Nye 

احب احطها بعد الكونسيلر عشان تنور منطقة تحت العين 

و منطقة حول الفم هالمنطقة دائم الفاونديشين يقلب بسبب التصبغات  

ف البودرة تمنع الفاونديشين انه يقلب رمادي 

بس اذا كثرت منها تعطي شهابه للوجه

أما البلشرات 

أكثر بلشرات استخدمتها هي Makeupforever & Urban decay 

الدرجتين اللي عندي هم 26 & 14
الالوان واضحة من فلا تاخذون كمية كبيرة 
لان اللون قوي وعلى طول تبين 
هالدرجتين حلوين للاستخدام اليومي والدوام 
مرره طبيعية 

بلشرات Urban Decay نزلت 12 درجة بس للأسف عندنا نزلت 6 درجات فقط
وهالدرجتين هم اللي يناسبوني Video & Fetish

ڤيديو لونه مشمشي على برونز 
أما فيتش بنك على موڤ

ملمس البلشر مخملي وثباته حلو  

هايلايت من ماك اسمه Global Glow

اكثر هايلايت حبيته وناسبني للحين 

وهو نفس إضاءة ماك المعروفة سوفت اند جنتل بس درجة اللون تختلف هذي
 لونها جاي على برونز 

نجي للاي شدو 

انا احب الباليتات لانها عمليه أكثر من الشدو المفرد بس الشدو المفرد جودته افضل من الباليتات 
أكثر باليتين استخدمتهم هالسنة
هم :
LORAC PRO MAGA 1 
للأسف انه ليميتد اديشن  ـ كمية محدودة ـ
وتوقف اصداره نزلو اصدار جديد ماحبيته 
بالنسبة لي الاصدار الاول افضل 

Meet Matte(e) Nude

ألوانه تناسب مع جميع انواع المكياج 
ويناسب للنهار والليل 

اي واحده تسألني وتبي باليت واحد انصحها بهالباليت

نجي لآخر شي

مسكره Too Faced و مسكره Urban Decay 

هالثنتين فوق بعض دماااار 

كني حاطه رموش اذا حطيتهم 

واللي ماتحت رموش رح تستانس عليهم نتيجتها مقاربة

اذا جيتي تحطين المسكره خلي جنبك فرشة تفريق الرموش 

لان مسكره توو فيسد تكتل الرموش شوي 

تلقونها بماك < اطلبها من موظفات ماك يعطونكم اياها ببلاش

وبالأخير

 اتمنى التدوينة اعجبتكم 

ولا تحرموني من آرائكم واقتراحاتكم 

واشوفكم على خير